ಸ್ವಾತಂತ್ರ್ಯ
ಆ ಹಕ್ಕಿಗೆ ಸ್ವಾತಂತ್ರ್ಯ ಅಂದರೆ ಏನೆಂದು ಗೊತ್ತಿರಲಿಲ್ಲ.
ಅದರ ಪಂಜರ ವಿಶಾಲವಾಗಿತ್ತು. ಊಟ ತಿಂಡಿಗೆ ಕೊರತೆ ಇರಲಿಲ್ಲ. ಆಟ ಪಾಠ ಉದ್ಯೋಗ ಯಾವುದಕ್ಕೂ ಕೊರತೆ ಇರಲಿಲ್ಲ.
ಅದರ ಪಂಜರದ ಬಾಗಿಲು ತೆಗೆದೇ ಇತ್ತು. ಅದು ಸಣ್ಣ ಪುಟ್ಟ ಹಾರಾಟ ಮಾಡಿ ಮತ್ತೆ ಪಂಜರ ಸೇರುತ್ತಿತ್ತು .
ಹಕ್ಕಿ ಖುಷಿಯಾಗಿತ್ತು. ಆದರೂ ಅದರ ಒಳಗೆ ಭಯಂಕರವಾದ ಒಂದು ಕೊರತೆ ಅಥವಾ ದುಃಖ ವನ್ನು ಹೋಲುವ, ಹೇಳಲಸಾಧ್ಯವಾದ ಒಂದು ಭಾವನೆ ಬೆಳೆಯತೊಡಗಿತು.
ತುಂಬಾ ವರ್ಷ ಹೀಗೆ ಕಳೆದುಹೋಯಿತು . ಹೊರಗಿನ ಜಗತ್ತು ಬದಲಾಗುತ್ತಿದ್ದ ಹಾಗೆ ಕೆಲವು ಅಪರಿಚಿತ ಸ್ವತಂತ್ರ ಹಕ್ಕಿಗಳು ಇದರ ಗೂಡಿನ ಹೊರಗೆ ಹಾರಾಡತೊಡಗಿದವು. ಅವರ ಕಲರವಗಳು ಇದರ ಕಿವಿಗೆ ಬಿತ್ತು . ಅದು ಈಗ ಮೊದಲಿಗಿಂತ ಹೆಚ್ಚಾಗಿ ಆಸಕ್ತಿಯಿಂದ ಸ್ವತಂತ್ರ ಹಕ್ಕಿಗಳ ಮಾತುಕತೆಗಳನ್ನು ಆಲಿಸತೊಡಗಿತು.
ಅದಕ್ಕೆ ನಿಧಾನವಾಗಿ ಸ್ವತಂತ್ರ ಹಾರಾಟದ ಅನಿಸಿಕೆಯ ಅರಿವಾಗತೊಡಗಿತು . ಆದು ಪ್ರತಿದಿನ ತನ್ನ ರೆಕ್ಕೆ ಬಲಗೊಡಿಸತೊಡಗಿತು.
ಇಂದು ಆ ಹಕ್ಕಿ ಮನೆ ಎಂದು ಅಂದುಕೊಂಡ ಆ ಪಂಜರ ಬಿಟ್ಟು ಹೊರಟಿದೆ. ಅದರ ರೆಕ್ಕೆಯ ಬಲದ ನಂಬಿಕೆಯ ಮೇಲೆ.
ಹೊಸತನದ ಹುರುಪಿದೆ. ಅನಂತದಲ್ಲಿ ಭರವಸೆಯಿದೆ .
ಶುಭವಾಗಲಿ ಹಕ್ಕಿಗೆ.
No comments:
Post a Comment