ಮನಶಾಂತಿ

 ಚಿರಶಾಂತಿ ಬಪ್ಪಮೊದಲು 

ಮನಶಾಂತಿ ಬಪ್ಪುದೇ ?

ಚುಟುಕುಗಾತಿ

 ಸುಮ್ನೆ ಹಾಗೆ ಚುಟುಕುಗಾತಿ ನಾನು।

ಲೇಖನದ ಆಳ ಅತಿ ಅಸಾಧ್ಯ ಕಾನು ।

(ಕಾನು  - ಕಾನನ , ಅರಣ್ಯ)

ಸ್ಫೂರ್ತಿ : ಜ್ಯೋತಿ ಎಚ್. ಆರ್.  

ಮನದಿ ಬಿತ್ತಿದ ಬೀಜ

ಮನದಿ ಬಿತ್ತಿದ ಬೀಜ 

ಕೆಲವು ಮರವಾದವು 

ಹಲವು ತೆರವಾದವು ।

ಸರಿದಂತೆ ಕಾಲಾ 

ಮರವೊಣಗಿ ಬೀಳಾ ।

ಮತ್ತೆ ಬಿತ್ತುತಿರು ಬೀಜಾ 

ಅಂತೇ ಜೀವನದ ಮಜಾ ।

ಅಪ್ಪಾ..ನಿನ್ನ ನೆನಪು

 ಅಪ್ಪಾ..

ನಿನ್ನೆನಪಿನ ಬತ್ತಳಿಕೆಯ ಬಾಣಗಳು 

ಸುತ್ತುವರಿದಿವೆ ನನ್ನೆದೆಯ ಗೂಡಾ.

ಹಲವು ಸವಿಯ ಮೆಲುಕು ..

ಕೆಲವು ನೋವ ಮಿಡಿಪು.

ನೀನಿನ್ನು ನೆನಪು ಎಂಬ ವಾಸ್ತವ..

ಮರಳಿ ಮರಳಿ ಅನಿಸುತಿದೆ..ಇದು ದಿಟವಾ?

ಅಪ್ಪಾ..

ರಾತ್ರಿಯಲಿ ಬೆಳದಿಂಗಳಾ

ರಾತ್ರಿಯಲಿ ಬೆಳದಿಂಗಳಾ ।

ಕರೆಯುತಲಿ ಮನೆಯಂಗಳಾ ।

ಸವಿಯುತಲಿ ಮನದಂಗಳಾ ।

ಮರೆಯುತಲಿ ಮನ ವಾಂಛಲಾ ।

ಮೆರೆಯುತಲಿ ಸಿಹಿ ಹಂಬಲಾ ।

ಮರೆಗುಳಿ ಖಾಯಿಲೆಯಲ್ಲಿ ನನ್ನಪ್ಪಾ

ನಮ್ಮನೆ ಅಪ್ಪಾ ನಿದ್ರೆ ಮಾಡ್ತಾ 

ಮಾತೇ ಅಡ್ತ್ನಿಲ್ಲೇssss ।

ಎಂತಾ ಕೇಳ್ದ್ರೂ ಮುಕಮುಕ ನೋಡ್ತಾ 

ಸನ್ನೇನೂ ಮಾಡ್ಟ್ನಿಲ್ಲೇ ss  ।।

ನಮ್ಮನೆ ಅಪ್ಪಾ ಟಿವಿ ನೋಡ್ತಾ 

ಕಿವಿನೇ ಕೇಳ್ಸ್ತೀಲ್ಲೇssss ।

ಬಂದದ್ದೆಲ್ಲಾ ಚಿತ್ರಾ ನೋಡ್ತಾ 

ಹಂದೇ ಆಡ್ತ್ನಿಲ್ಲೇ ss ।।

ಅರ್ಥ:

ಹಂದಾಡುವುದು - ಕುಳಿತಲ್ಲೇ ಆಕಡೆ ಈಕಡೆ ಚಲನ ವಲನ ತೋರಿಸುವುದು 

ಅವಸsssರ ಮಾಡಬ್ಯಾಡಾ

 ಗಡಿಬಿsssಡಿ  ಗುಂಡಪ್ಪಾ 

ಅವಸsssರ ಮಾಡಬ್ಯಾಡಾ। 

ಒಂದಾssದ ಮೇಲೊಂದು 

ಕೆಲಸಾssನ ಮಾಡ್ಕೊಂಡು ।

ಗಾಡೀssನ ಹೊಡ್ಕೊಂಡು 

ಒಮ್ಮೊಮ್ಮೆ ತಳ್ಕೊಂಡು ।

ಗಡಿಬಿsssಡಿ  ಗುಂಡಪ್ಪಾ 

ಅವಸsssರ ಮಾಡಬ್ಯಾಡಾ। 

ss  --> ರಾಗ ಎಳೆಯುವುದು