ಚಿಣ್ಣರ ಪದಗಳು

ಮಳೆ ರಾಜ
---------------
ಡುಂ  ರಾಜ ಬಾರಿಸ್ತಾನೆ  , ಡುಂ ಡುಂ ಡುಂ .
ಮಿಂಚ್  ರಾಣಿ ಛಳಕಿಸ್ತಾಳೆ , ಛಳ್ ಛಳ್ ಛಳ್.
ಮಳೆ ರಾಜ ಸುರೀತಾನೆ , ಧೋ ಧೋ ಧೊ.
ಅಮ್ಮ ನಂಗೆ ಚಕ್ಲಿ ಬೇಕು , ಕುರುಂ ಕುರುಂ ಕುರುಂ.


ತಟ್ಟೆ ಚಂದ್ರ
-------------

ಅಮ್ಮ ನಂಗೆ ಊಟ ಬೇಕು। ಬೆಳ್ಳಿ ಬೆಳಕಿನ ತಟ್ಟೇಲಿ ।।
ರಾತ್ರಿ ಬಾನಲಿ ನೋಡ್ತೀವಲ್ಲಾ । ಅದೇ ಗೋಲದ  ತಟ್ಟೆಲೀ ।।
ಮಾವಿನ ಹಣ್ಣ ಬೀಳಸ್ತೀವಲ್ಲಾ । ಅದೇ ಉದ್ದದ  ಕೊಕ್ಕೇಲಿ ।
ಈ ತಟ್ಟೇನೂ  ಬೀಳಿಸ್ಬಿಡು । ಪ್ರೀತಿಲಿ ನಂಗೆ ಅಂತ್ ಹೇಳಿ ।।


ಚಂದ್ರಣ್ಣ
--------
ಚಂದಿರ ನಾನು , ಜೊತೆಗೆ ನಿನ್ನ,
   ಬರುವೆ ಭೂಮಿ ಸುತ್ತಲು.

ಹೇಗೆ ನಾನು , ಬರಲಿ ನಿನ್ನ
   ಬಳಿಗೆ, ನೀನೆ ಹೇಳ್ಬಿಡು .

ನಾನು ನೀನು ಮಾತಾಡೋಣ,
   ಆಟಾನೂ ಆಡೋಣ .

ನಾನು ನಿನ್ನ ಹೆಗಲನು ಹಿಡಿದು
   ಜೋಕಾಲಿ ಆಡುವೆ ಚಂದ್ರಣ್ಣ .

ಮನದೊಡನೆ ಮಾತು

ಜೀವನವು ಸಾಗರವಲ್ಲ, ಇದು ಹರಿಯುವ ನದಿ.
ಪ್ರತಿಯೊಂದು ಕ್ಷಣವೂ ಜಾಗ ಬದಲಾಯಿಸುವ ನೀರು .
-----------------------------
ಸಾವಿನ ಹೆದರಿಕೆ ಬೇಡ,
ಸಾವು ನಿತ್ಯ ಸತ್ಯ.
 --------------------------
ಮನವು ನಿಂತಿದೆ ಚಲಿಸದೆ,
ಜಗವು ಹರಿಯುತಿದೆ ತನ್ನಷ್ಟಕ್ಕೆ .
ಇದೆಂಥ  ಜೀವನ ಬರಡು  ಹೊಲ,
ಯಾವ ದಿಕ್ಕಿಗೂ ಫಲ ಬಿಡದ ಬರಿದೆ ಮರ.
 ----------------------------------

 
----------------------------------------------